'प्रोट्रिन रन' चैत १० मा

काठमाडौं । 'राइट टू प्रोट्रिन रन' चैत १० गते आयोजना हुने भएको छ । 

नेपाल भेटेरिनरी एसोसियसनले हरेक वर्ष आयोजना गर्ने हाफ म्याराथन सहितको दौड कार्यक्रम यस वर्ष चैत १० गते हुने भएको हो ।

तेस्रो संस्करणको प्रतियोगितामा हाफ म्याराथन सहित विभिन्न विधाका दौडहरु आयोजना हुने पत्रकार सम्मेलनमा जानकारी दिईयो । दशरथ रंगाशालाबाट सुरु हुने दौड सोही स्थानमा आएर समापन हुने आयोजकले जनाएको छ । 

यस वर्ष दौडमा ७ हजार जनालाई सहभागी गराउने लक्ष्य राखिएको एसोसियसनले जनाएको छ । गत वर्ष ५ हजारले दौडमा भाग लिएको आयोजकले दाबी गरेको छ । 

यस वर्ष हाफ म्याराथन सहित पुरुष १० किलोमिटर, महिला ५ किलोमिटर, १२ कक्षासम्मको ५ किलोमिटर सहितका विभिन्न स्पर्धा राखिएको छ । 

प्रतियोगितामा पुरस्कार राशीमात्र १४ लाख १२ हजार रुपैयाँ राखिएको छ । हाफ म्याराथनतर्फको विजेताले १ लाख ३३ हजार ३ सय ३३ रुपैयाँ प्राप्त गर्नेछन् ।

प्रतियोगितामा सहभागी हुन सय रुपैयाँ तिरेर दर्ता गर्न सकिने र सहभागीलाई दर्ता वापत टिसर्ट र रिफ्रेसमेन्ट प्रदान गरिने जानकारी दिईएको छ ।