काठमाडौं । कतारको दोहामा जारी वर्ल्ड एक्वाटिक्स च्याम्पियनसिपमा गौरिका सिंहले आफ्नो पुरानो रेकर्डलाई तोडेकी छिन् ।
दक्षिण एशियाली खेलकुदमा चार स्वर्ण जित हात पार्दै रेकर्ड कायम गरेकी गौरिकाले पछिल्लो वर्ल्ड च्याम्पियनसिपमा नयाँ रेकर्ड कायम गरेकी हुन् ।
गौरिकाले ५० मिटर ब्याकस्ट्रोकमा आफुले जापाको फुकुवाकामा भएको वर्ल्ड एक्वाटिक्स च्याम्पियनसिप २०२३ मा कायम गरको ३१ दशमलव ४४ सेकेन्ड समयको समयमा ० दशमलव ६४ सेकेन्डले सुधार गर्दै ३० दशमलव ८० सेकेन्ड समयको नयाँ रेकर्ड स्थापित गरेकी छिन् ।
गौरिकाको यो दोश्रो राष्ट्रिय किर्तिमान हो । उनले १०० मिटर ब्याकस्ट्रोकमा पनि १ मिनट ५ दशमलव ४७ सेकेन्डको नयाँ किर्तिमान कायम गरेकी थिईन् ।
यस्तै सोही च्याम्पियनसिपमा सहभागिता जनाईरहेका एलेक्सजेन्डर शाहले पनि आफ्नो पुरानो राष्ट्रिय किर्तिमानमा सुधार गर्दै नयाँ किर्तिमान कायम गरेको दोहाबाट नेपाल पौडी संघका अध्यक्ष अशोक रत्न बज्राचार्यले जानकारी गराएका छन् ।
१०० मिटर फ्रिस्टायलमा एलेक्सले ५२ दशमलव १७ सेकेन्डको समयको नयाँ राष्ट्रिय किर्तिमान कायम गरका हुन् । यस अघि एलेक्सले जापानको फुकुवाकामा भएको वर्ल्ड एक्वेटिक्स च्याम्पियनसिप २०२३ मा ५२ दशमलव ९४ सेकेन्ड समयको राष्ट्रिय रेकर्ड राखेका थिए ।
अब नेपालको तर्फबाट एलेक्सले ५० मिटर फ्रिस्टायलमा भोली शुक्रबार प्रतिस्पर्धा गर्न बाँकी छ ।
-1756657034.jpeg)
