पुन दिवशको अवसरमा क्लबस्तरीय हिल कप भलिबल हुने

पोखरा । पुन समाज नेपालले पुन दिवशको अवसर पारेर पहिलो पटक माघ १५ देखि १९ गतेसम्म प्रथम पुन हिल कप खुल्ला क्लबस्तरीय भलिबल प्रतियोगिता आयोजना गर्ने भएको छ । 

पुन समाज नेपालले बुधबार पत्रकार सम्मेलन गर्दै पुन हिल कप प्रतियोगितामा पुरुष, महिला तथा प्रौढ भलिबल खेल समावेस गरेको जानकारी दिएको छ। 

प्रतियोगितामा विजेता पुरुष टोलीले नगद १ लाख ११ हजार १ सय ११ सहित ट्रफी, मेडल तथा प्रमाण पत्र पाउनेछ समाजका महासचिव महासचिव खिमन शेरपुजा पुनले बताए । 

त्यस्तै उपविजेता हुने टोलीले नगद रुपैयाँ ५५ हजार ५ सय ५५, ट्रफी, मेडल र प्रमाणपत्र प्राप्त गर्नेछ । प्रतियोगितामा सहभागि हुने टिमहरुले दर्ता शुल्क स्वरुप  ८  हजार दर्ता बझउनु पर्ने आयोजकले जानकारी दिएको छ । 

यस्तै महिला प्रतियोगिता भलिबल तर्फको विजेताले ६६ हजार ६ सय ६६ पाउँदा उपविजेताले ३३ हजार ३ सय ३३, ट्रफी, मेडल र प्रमाणपत्र पाउने भएको छ । 

प्रतियोगितामा ४० वर्ष माथि उमेरका प्रौढहरुबीचको बिधा पनि समावेश गरिएको छ । जसमा उपाधि जित्नेले ३३ हजार ३ सय ३३ र उपविजेता हुन रुपैयाँ २० हजार, ट्रफी, मेडल र प्रमाणपत्र पाउने छ। 

प्रतियोगितामा प्रदेश तथा राष्ट्रिय टिममा रहेका खेलाडीहरुलाई समावेश गर्न नपाईने आयोजकले जनाएको छ । नयाँ खेलाडीलाई प्रोत्साहन र हौसला दिन प्रतियोगिताको आयोजना गरेको आयोजकले जनाएको छ। 

प्रतियोगिता पुन समाज नेपालको पोखरा रामघाटस्थित खेल मैदानमा हुनेछ । समाजले २०६३ साल माघ १५ गते म्याग्दी पर्वतका ५४ गाउँका पुनहरुलाई औल गाउँमा भेला गराएर सम्मेलन गरी पुन सुधार समिति गठन गरेको थियो ।

उक्त दिनलाई ऐतिहासिक दिन भएको कुरालाई आधार मानेर हरेक माघ १५ लाई पुन दिवशको रुपमा मनाउदै आएको महासचिव पुनले बताए ।