हरियाणा पराजित हुँदा आर्मी सेमिफाइनलमा

पोखरा । भारतको हरियाणा टाइगर कप महिला भलिबलमा पराजित हुँदा विभागीय टोली त्रिभुवन आर्मी क्लब सेमिफाइनलमा पुगेको छ । 

बुधबार भएको खेलमा हरियाणा चन्द्रागिरी न्यु डायमण्डसँग सोझो सेटले पराजित भएको थियो ।

सेमिफाइनलमा पुग्न हरियाणालाई पाँचौं सेट सम्मको खेल या सोझो सेटमा जित निकाल्नु पर्ने अवस्था थियो । 

जसमा न्यु डायण्डले सोझो सेटमा जित निकाल्न सफल भयो । त्यसैले आर्मीले समूह ‘बी’ को उप विजेताको रुपमा सेमिफाइनलमा स्थान बनाएको हो । 

यता न्यु डायमण्ड समूह विजेता बन्दै सेमिफाइनल पुगेको छ ।