एपीएफ समूह विजेता बन्दै सेमिफाइनलमा

पोखरा । विभागीय टोली एपीएफ क्लब टाइगर कप अन्तर्गत महिला भलिबलमा समूह विजेता बन्दै सेमिफाइनलमा पुगेको छ । 

बुधबार भएको खेलमा गण्डकी प्रदेशलाई ३–० को सोझो सेटमा हराउँदै एपीएफ समूह ‘ए’को विजेता बन्दै सेमिफाइनलमा पुग्यो । 

पोखरा रंगशालाको भलिबल कोर्टमा भएको पहिलो सेट २५–१६ ले जितेको एपीएफले दोस्रो सेटमा २५–९ को जित निकालेको हो । 

त्यसतै तेस्रो सेटमा एपीएफले २५–१७ को जित निकाल्दै समूह विजेता बनेको हो । 

जितसँगै एपीएफ ५ अंक सहित समूह विजेता बनेको छ । यता उप विजेता पुलिसको ४ अंक छ भने गण्डकी प्रदेश अंक विहिन हुँदै प्रतियोगिताबाट बाहिरिएको छ । 

एपिएफ ५ अंकसहित विजेता, ४ अंक उपविजेता हुँदा गण्डकी अंक विहिन रहँदै प्रतियोगिताबाट बाहिरिसकेको छ ।