निजगढ । शंकर पौडेलको उत्कृष्ट बलिङमा बाराले मधेस प्रदेश स्तरिय प्रधानमन्त्री कप एकदिवसीय क्रिकेटमा सहज जित हात पारेको छ ।
बुधबार भएको खेलमा बाराले सिरहालाई ५६ रनले पराजित गर्दै प्रतियोगिताको सुखद सुरुवात गरेको हो ।
कलैयास्थित सिद्धेश्वर क्रीकेट मैदानमा टस जितेर पहिले ब्याटिङ रोजेको घरेलु टोलि बाराले ३९ ओभर बलमा अलआउट हुँदै १६४ रन बनाएकोथियो ।
बाराको लागि युवा ब्याटर निरज यादवले नटआउट अर्धशतक प्रहार गरे । उनले ४८ बलमा ६ वटा चौका र १ वटा छक्का प्रहार गरे ।
त्यस्तै अरनिको यादवले ३५ बलमा ३ चौका र २ छक्का प्रहार गर्दै ४० रन बनाए । अरनिको अफुरुद्धिन रैनको बलमा दिपेश दास मार्फत क्याच आउट भए । बाराका भुलवन सहनिले २९ बलमा ३ वटा छक्का प्रहार गर्दै २५ रन बनाए ।
भुलवन पार्थिभ यादवको बलमा कृष्ण साह मार्फत क्याच आउट भए। कप्तान अनिल कुमार साहले २७ बलमा २ चौका र १ छक्काको सहयोगमा २० रन बनाए ।
कप्तान अनिललाई सिरहाका कप्तान रुपेश सिंहले एलबीडब्लू आउट गरे । बाराका अन्य ब्याटरहरुले दोहोरो अंकमा रन बनाउन सकेनन ।
सिरहाको लागि अफुरुद्धिन रैनले सर्वाधिक तीन विकेट लिए । अफुरुद्धिनले ८ ओभरमा ३२ रन खर्चिएका थिए । तेस्तै कप्तान रुपेश सिंह र आशुतोष डोटेललले २र२ विकेट लिए भने पार्थिभ यादव,फतेह सिद्धिकी र प्रदिप पासवानले समान एक–एक विकेट हात पारे ।
३९ ओभर ३ बलमा अलआउट भएको बाराले सिरहालाई जितकोलागि १६५ रनको सामान्य लक्ष्य प्रस्तुत गरेकोथियो । तर बाराका बलर शंकर पौडेल एक्लैले ६ विकेट हात पार्दा सिराहा पराजित हुन पुग्यो ।
जवाफी ब्याटिङमा उत्रिएको सिरहाको लागी दिपेश दासले सर्वाधिक ४२ रन बनाउनु बाहेक अन्य ब्याटरहरुले दोहोरो अंकमा रन बनाउन सकेनन । दिपेशले ५३ बलमा १ चौका र ४ छक्का प्रहार गर्दै सिरहालाई सम्हाल्ने प्रयास गरेपनि रोहन साह मार्फत शंकर पौडेलले क्याच आउट गराएपछि पेभेलियन फर्किएकाथिए ।
२२ ओभर ४ बलमा अलआउट हुँदै सिरहाले मात्र १०८ रन बनाउनसक्यो । बाराकालागी शंकरले ६ ओभर ४ ओभर बलिङ गर्दै २ मेडन सहित १६ रन खर्चिएर सर्वाधिक ६ विकेट लिए ।
तेस्तै भुलवन सहनिले २ तथा बिकास प्रसाद पटेल र अरनिको यादवले समान एक एक विकेट हात पारे । बाराको जितमा शानदार प्रदर्शन गरेका शंकर खेलको प्लेयर अफ द म्याच चुनिए ।
अर्को खेलमा पर्साले धनुषालाई ५ विकेटले हराएकोछ । बिरगंज स्थित नारायणी रंगशालामा सम्पन्न खेलमा २९ ओभरमा ९३ रन बनाउदै धनुषा अलआउट भएकोथियो । धनुषाकालागी मयन यादवले ४८ बलमा सर्वाधिक ३२ रन बनाउदै टोलिलाईअघि बढाउने प्रयास गरेपनि टोलिका अन्य ब्याटरहरुले राम्रो प्रदर्सन गर्न सकेनन ।
धनुषालाई सस्तैमा समेट्न पर्साका रन्जित कुमारले सर्वाधिक ३ विकेट लिए । जवाफी ब्याटिङमा पर्साले २७।१ ओभरमा लक्ष्य भेट्टायो ।
पर्साकालागि मन्जय महतोले ४६ बल खेल्दै ३३ रन बनाए । धनुषाका हरिशंकर साहले २ विकेट लिए । प्रतियोगिता अन्तर्गत बिहीवार २ वटा खेलहरु हुनेछ ।
