स्पेनको प्रभावशाली जित

काठमाडौं । स्पेनले युरो कप छनोटको खेलमा प्रभावशाली जित निकालेको छ । समूह एको खेलमा स्पेनले जर्जियालाई ३–१ ले हराएको हो ।

स्पेनले समूहको शीर्ष स्थानमा रहदै छनोट यात्रा टुङ्गयाएको छ । स्पेनले ८ खेलबाट २१ अंक जोडेको छ । स्कटल्याण्ड १७ अंक सहित दोस्रो स्थानमा रह्यो ।

स्पेनलाई मिडफिल्डर गाभीको गम्भिर चोट महङ्गो पर्यो । १९ वर्षिय खेलाडीले बल नियन्त्रण गर्ने क्रममा चोट बोके र रुदै मैदान छाडेका थिए ।

जाभी स्पेन र क्लब का मुख्य खेलाडी हुन् । उनले स्पेनका लागि २७ र बार्सिलोनाका लागि १ सय ११ खेल खेलेका छन् । ला रोजा यसअघिनै युरो कपमा छनोट भैसकेको छ । 

रियल सोसिडाडका डिफेन्डर रुबिन ले नोर्मान्डले स्पेनलाई अघि बढाएका थिए । त्यसको चार मिनेटमा पाहुना टोली जर्जियाका ख्विचा क्वारत्सखेलियाले गोल गर्दै खेल बराबरीमा ल्याए । 

दोस्रो हाफमा फेरान टोरेसको गोलमा घरेलु टोली स्पेनले पुन खेलमा अग्रता बनाएको थियो । लुका लोकोश्विलीको आत्मघाति गोलले स्पेनलाई ३–१ को शानदार जित दिलायो । 

योसँगै समूह एका खेल सकिएको छ । स्पेनले ८ खेलबाट २१ अंक बटुलेर शीर्ष स्थान हासिल गर्यो । स्कटल्याण्ड समेत १७ अंक सहित छनोट भयो ।

नर्वे ११ अंक सहित तेस्रो र जर्जिया ८ अंकसहित चौथों स्थानमा रह्यो । साइप्रस अंक विहीन हुँदै पुछारमा रह्यो ।