काभा च्यालेन्जमा नेपाल र साउदी खेल्दै
काठमाडौं । काभा पुरुष भलिबल च्यालेन्जमा नेपालले आज शुक्रबार साउदी अरबसँग खेल्दैछ । कोलम्बोमा हुने खेल दिउँसो पौने २ बजे सुरु हुनेछ ।
साउदीविरुद्ध उत्रदै गर्दा नेपाल सहज जित सहित फाइनल नजिक पुग्ने लक्ष्यमा हुनेछ ।
शुक्रबार साउदी र शनिबार उज्वेकिस्तानलाई हराएको खण्डमा नेपाल सिधै प्रतियोगिताको फाइनल पुग्न सक्छ ।
तुलनात्मक रुपमा कमजोर प्रतिद्धन्दीको रुपमा साउदीलाई नेपालले हराउन सक्ने अपेक्षा गरिएको छ ।
फाइनल पुग्न साउदीबिरुद्धको खेल नेपालका लागि महत्वपुर्ण छ । निकै प्रतिस्पर्धात्मक देखिएको काभा च्यालेन्जको लिग चरणमा सबै टोलीले उत्कृष्ट प्रर्दशन गरेका छन् ।
नेपालले पहिलो खेलमा बंगलादेशलाई हराएर प्रतियोगिताको शानदार सुरुआत गरेको थियो । दोस्रो खेलमा श्रीलंकासँग सोझो सेटमा पराजित बनेपनि तेस्रो खेलमा अफगानिस्तानलाई हराएर फाइनल यात्रामा अघि बढेको छ ।
एसियन गेम्समा सहभागी भएर नेपालको राष्ट्रिय पुरुष भलिबल टिम श्रीलंका भ्रमणमा रहेको छ । कोलम्बोमा भएको प्रतियोगितामा नेपालले स्वर्ण पदक जित्ने लक्ष्य राखेको छ ।
