एसियाडमा कुस्तीकी सुशिला पराजित

काठमाडौं । एसियाली गेम्स अन्तर्गत कुस्तीमा नेपालकी सुशिला चन्द पराजित भएकी छन् ।

शुुक्रबार लिनान् स्पोर्ट्स कल्चर एन्ड एक्जिबिसन सेन्टरमा भएको महिला ६२ केजीको पहिलो चरणमा भारतकी सोनमले सुशिलालाई १०–० ले पराजित गरिन् ।

अघिल्लो दिन महिला ५७ केजीको पहिलो चरणमा नेपालकी सुवाङ्गी दुवे थाइल्यान्डकी श्रृपारासंग ८–० ले पराजित भएकी थिइन् ।

शनिबार दुई पुरुष खेलाडीले नेपालको चुनौती प्रस्तुत गर्नेछन् ।

१२५ केजीमा नेपालका राज यादवले कम्बोडियाका बाली सोउ तथा ७४ केजीमा नेपालका सुरेश चुनाराले  तुर्कमिनिस्तानका पर्मन होम्मादोभविरुद्ध खेल्ने छन् ।