पौडीको चुनौती समाप्त, नासिर हिटमै बाहिर 

काठमाडौं । एसियाली खेलकुदको पौडीमा शुक्रबार नेपालका नासिर याहा हुसेन हिट चरणबाटै बाहिरिएका छन् ।

हान्झाउ ओलम्पिक स्पोर्ट्स सेन्टर अक्वाटिक एरेनामा पुरुष चार सय मिटर फ्रिस्टाइलको हिट–२ मा उनले निर्धारित दूरी चार मिनेट २२ दशमलव ०२ सेकेण्डमा पूरा गरे ।

उनी आफ्नो हिटमा चौथो भएका थिए । उनी २५ मध्ये २२औं स्थानमा रहे ।

नासिरको इभेन्ट्ससँगै १९औं एसियाडमा नेपाली खेलाडीको चुनौती समाप्त भएको छ । पौडीमा नेपालबाट चार खेलाडीले आठ इभेन्टमा प्रतिस्पर्धा गरेका थिए ।