काठमाडौं । युरोकप २०२४ छनोटअन्तर्गत पोल्यान्ड अल्बानियासँग पराजित भएको छ ।
आईतबार राती सम्पन्न खेलमा पोल्यान्ड अल्वानियासँग पराजित भएको हो ।
समूह ई अन्तर्गत आईतबार राती भएको खेलमा अल्बानिया २-० गोल अन्तरले विजयी भएको हो ।
अल्बानियाको घरेलु मैदानमा पोल्यान्डविरुद्ध जनसिर असानि र मिरलिन्ड डाकुले समान १/१ गोल गरेका थिए ।
असानीले ३७ औं मिनेटमा गोल गदै अल्बानियालाई अग्रता दिलाएका थिए । मिरलिन्डले ६२ औं मिनेटमा अल्बानियाका लागि दोस्रो गोल गरे ।
अल्बानिया ५ खेलमा ३ जितका साथ समूह ई को शीर्ष स्थानमा रहेको छ ।
पोल्यान्ड भने ५ खेलमा ६ अंकका साथ चौथो स्थानमा रहेको छ ।
६० राष्ट्र सहभागी छनोटबाट २३ राष्ट्र युरो कप २०२४ का लागि छनोट हुनेछन् ।
जर्मनी आयोजक राष्ट्रको रुपमा युरोकपका लागि छनोट भईसकेको छ ।
