नेपालद्वारा मलेसियालाई ८५ रनको लक्ष्य 

काठमाडौं । मलेसियामा आजबाट सुरु महिला टीट्वान्टी विश्वकप अन्तर्गतको आफ्नो पहिलो खेलमा नेपाल घरेलु टोलीलाई ८५ रनको लक्ष्य दिएको छ । 

मलेसियाको बायोमास ओभल मैदानमा टस हारेर पहिले ब्याटिङ गरेको नेपाली टोलीले निर्धारित २० ओभरमा ६ विकेट गुमाएर ८४ रन बनायो । 

नेपालका लागि ओपनर सिताराना मगरले ५४ बलमा १ चौकाको सहयोगमा अविजित ३८ रन बनाईन् । 

अप्सरी बेगमले १७ तथा कप्तान रुबिना क्षेत्रीले १२ रन बनाउनु बाहेक अन्य ब्याटरले दोहोरो अंकमा रन बनाउन सकेनन् । 

मलेसियाकी एना हमिजाले २ विकेट लिईन् । 

यस प्रतियोगितामा ११ राष्ट्रको सहभागीता रहेको छ । सहभागी ११ देशलाई दुई समूहमा विभाजन गरिएको छ । 

प्रतियोगितामा समूह ए मा नेपाल, बहरान, भुटान, मलेसिया, कतार र युएई छन् । समूह बी मा चीन, हङकङ, थाईल्यान्ड, कुवेत र म्यानमार छन् । 

प्रतियोगितामा हरेक समूहका शीर्ष दुई टोलीले सेमिफाइनलमा स्थान बनाउनेछन् । फाइनलमा पुग्ने दुई टोलीले २०२४ मा हुने ग्लोबल टी-ट्वान्टी क्वालिफायर खेल्न पाउनेछन् ।

नेपाल घरेलु टोली मलेसियालाई हराउँदै विश्वकप छनोटमा विजयी सुरुआतत गर्न चाहन्छ ।