दीपेन्द्र आबद्ध टाईगर्स पहिले बलिङ गर्दै

काठमाडौं । ग्लोबल टी-ट्वान्टी क्यानडामा फाइनल प्रवेशका लागि नेपालका अलराउन्डर दीपेन्द्रसिंह ऐरी आबद्ध मोन्ट्रियल टाईगर्सले पहिला बलिङ गर्दैछ । 

दोस्रो क्वालिफायर खेलमा भैंकूवर नाइट्सविरुद्ध टस जितेर टाईगर्सले बलिङ रोजेको हो । 

पहिलो क्वालिफायरमा सर्रे जगुआर्ससँग पराजित भएर नाईट्सले दोस्रो क्वालिफायर खेल्दै छ । ईलिमिनेटर खेलमा ब्रैम्प्टन वुल्भ्सलाई पराजित गरेको टाईगर्सले दोस्रो क्वालिफायर खेल्न लागेको हो ।  

लिग चरणमा टाईगर्स र नाईट्सबीच भएको दुई खेलमा दुवै १/१ खेलमा विजयी भएका थिए । 

यस खेलमा विजयी हुने टोलीले फाइनलमा स्थान बनाउने छ । आजको खेलमा विजयी टोलीले आईतबार हुने फाइनल खेलमा सर्रेसँग खेल्नेछ ।

दीपेन्द्र आबद्ध टाईगर्समा कार्लोस ब्रेथवेट, क्रिस लिन, आन्द्रे रसेल लगायतका खेलाडी रहेका छन् ।