आशिषलाई रापिड चेसको उपाधि

नुवाकोट । राष्ट्रिय एमेच्योर चेस च्याम्पियनसिपको उपाधि आषिश फुयालले हात पारेका छन्। नेपाल बुद्धिचाल संघ नुवाकोटको आयोजनामा भएको प्रतियोगितामा आशिषले उपाधि जितेका हुन् ।

उनले फाइनल चरणको खेलमा काठमाडौका १४ बर्षिय खेलाडी पुरुषोत्तम सिलवालसंग बराबरी खेलेर अंक बाँडेका थिए । यस्तै, छैटौं चरणको खेलमा भक्तपुरका जगन्नाथ ताम्रकारलाइ हराएका थिए।

६ खेलमा जित निकाल्न सफल भएका आशिषले साढे  ६ अंक सहित  विजेता बन्न सफल भए। उपाधि सहित उनले नगद १० हजार पुरस्कार पाए।

पुरुषोत्तम सिलवाल ६ अंक जोडेर दोस्रो स्थानमा रहे। उनले छैटौं चरणको खेलमा ललितपुरका सुरज महर्जन माथि सफलता पाए। उनले ७ हजार नगद पुरस्कार पाए।

विदुर नगरपालिका वडा नम्बर १ को आर्थिक सहयोगमा संचालन भएको प्रतियोगिताको तेस्रो स्थानमा पूर्व नेपाल च्याम्पियन नविन तण्डुकमर रहे। उनले नगद ५ हजार पाउन सफल भए। नविनले साताौ चरणको खेलमा भक्तपुरका गणेशमान दुवाललाई निरास बनाएका थिए।

सुनसरीका मणीराज डाँगी चौथो र झापाका मिसन दाहाल पाँचौ स्थानमा रहे भने छैटौंदेखि दशौसम्म भक्तपुरका जगन्नाथ ताम्राकार , गणेशमान दुवाल, ललितपुरका सरोज महर्जन, काठमाडौका राजेन्द्र बज्राचार्य र नुवाकोटका सुरज लामा रहे।

महिलातर्फको उपाधि काठमाडौकी आरती छठकुलीले जित्न सफल भइन । उनले ४ अंक जोडिन् ।  

समान ४ अंकनै रहेका पुनम प्रसाईं टाइब्रेकरको आधारमा आरतीसंग पछि रहेर उपविजेता बन्न सफल भइन् । त्यसैगरी भेट्रानतर्फ राधेश्याम श्रेष्ठ उत्कृष्ट ठहरिए भने स्थानीयमा सक्सेस श्रेष्ठ प्रथम भए। अनरेटेडमा नविन बैद्य पहिलो रहे भने यु १९ मा संगम कटुवाल उत्कृष्ट भए।

नुवाकोट जिल्ला बुद्धिचाल संघका अध्यक्ष प्रकाश जोशीको अध्यक्षतामा भएको पुरस्कार वितरण तथा समापन समारोहमा विदुर नगरपालिका १ का वडा अध्यक्ष लेनिन श्रेष्ठ र नेपाल बुद्धिचाल महासंघका महासचिव धरम बहादुर लामाले विजेता खेलाडीलाई पुरस्कार वितरण गरे।

नुवाकोट जिल्लाका र आमन्त्रित गरि प्रतियोगितामा ५८ जना खेलाडीको सहभागीता रहेको थियो ।