कान्तिपुरलाई एनबीएलको प्रशारण अधिकार

काठमाडौं ।  बास्केटबलको फ्रेन्चाईज प्रतियोगिता नेसनल बास्केटबल लिग नेपाल (एनबीएल) को प्रशारण अधिकार कान्तिपुर टेलिभिजनले पाएको छ ।

नेपाल बास्केटबल संघले आइतबार एक विज्ञप्ति निकाल्दै प्रतियोगिताको प्रशारण अधिकार कान्तिपुरलाई दिईएको जनाएको छ ।

बास्केटबल संघका अध्यक्ष भीमसिंह गुरुङको उपस्थितिमा कान्तिपुर टेलिभिजनका प्रमुख कार्यकारी अधिकृत  शिशिर पछाई र प्रतियोगिताको मार्केटिङ अधिकार पाएको डिजिपलाईका प्रमुख कार्यकारी अधिकृत उकेश लोहनीले सम्झौता पत्रमा हस्ताक्षर गरे ।

सम्झौतासँगै कान्तिपुरले एनबीएल नेपाल २०२३ को लागि विशेष प्रसारण र मार्केटिङ अधिकार सुरक्षित गरेको छ ।  

प्रतियोगितामा ८ टोलीको सहभागिता रहने बताईएको छ ।

प्रतियोगिताको मिति भने तय भएको छैन ।