ललितपुर र आर्मी विजयी

काठमाडौं । ललितपुर हाइले दोश्रो मदन भण्डारी स्मृति खुला बास्केटबल प्रतियोगितामा सोमबार जित निकालेको छ ।

कीर्तिपुर कभर्डहलमा महिलातर्फ ललितपुर हाइले बुढानिलकण्ठ बास्केटबल क्लबलाई ६९-५४ ले पराजित गर्यो । विजयी टिमका लागि नोमी लखनपालले २० स्कोर  गरिन् ।

महिलामै रोयलले धरान बास्केटबल  संघलाई ४८–२५ ले हराएको छ । रोयलका रोश्नी श्रेष्ठले १३ स्कोर गरिन् ।

पुरुषमा त्रिभुवन आर्मी क्लबले गोल्डेनगेट कलेजमाथि ९२–७७ को जित दर्ता गर्यो । आर्मीका रामकृष्ण घतानेले २२ स्कोर गरे । 

पुरुषकै अर्को खेलमा टाइम्स इन्टरनेसनल क्लबले डाउनटाउन स्पोर्ट्स सेन्टरलाई ८४-५९ ले हराएको छ । टाइम्सका सुरज खड्कीले ३२ स्कोर गरे ।

मदन भण्डारी स्पोर्ट्स क्लबको आयोजनामा जारी प्रतियोगिताको विजेताले १ लाख ५० हजार र उपविजेताले ५० हजार पाउने छन् ।