ग्रिनल्यान्ड र भ्याली पब्लिक फाइनलमा

काठमाडौं । ग्रिनल्यान्ड र भ्याली पब्लिक छैटौं बीएनए कप अन्तरविद्यालय बास्केटबल प्रतियोगिताको सिनियर ब्वाइजमा फाइनलमा प्रवेश गरेका छन् ।

सोमबार थ्री बाइ थ्रीको प्रतिस्पर्धामा ग्रिनल्यान्डले इडेन ब्रिज एकेडेमीलाई २१–६ तथा भ्याली पब्लिकले एचएचसीएलाई ११–५ ले पराजित गरे ।

बसुन्धरास्थित आयोजक बसुन्धरा नेसनल एकेडेमीको कोर्टमा भइरहेको प्रतियोगिताको सिनियर गर्ल्समा भ्याली पब्लिक र पृथ्वीले उपाधि भिडन्त पक्का गरे ।

भ्याली पब्लिकले फेरिल्यान्डलाई ३०–१४ ले पराजित ग¥यो । भ्याली पब्लिकको जितमा मुस्कान गुरुङले १० अंक योगदान गरिन् । बबिता घिमिरेको १३ अंक सहयोगमा पृथ्वीले एचएचसीएलाई २४–१७ ल हरायो ।

एन्जल्स हार्ट र गोल्डेनपिक जुनियर ब्वाइजको उपाधिका लागि भिड्ने भएका छन् । एन्जल्स हार्टले आयोजक बीएनएलाई २१–१४ ले पाखा लगायो । एन्जल्स हार्टका रुपेश पौडेलले १३ स्कोर गरे ।

स्किब्स विरुद्धको खेलमा गोल्डेनपिक २३–१५ ले विजयी भयो । गोल्डेनपिकका अमन गुरुङले ९ अंक जोडे । तीनै स्पर्धाको फाइनल मंगलबार हुनेछ ।