रुबिना आबद्ध आर्मी तेस्रो,रुबिनाको कसिलो बलिङ

काठमाडौं । हङकङमा जारी फेयरब्रेक आमन्त्रण क्रिकेट प्रतियोगितामा नेपाली राष्ट्रिय महिला क्रिकेट टोलीकी कप्तान रुबिना क्षेत्री आबद्ध बार्मी आर्मीले तेस्रो स्थान प्राप्त गरेको छ । 

कुलन क्रिकेट क्लब हङकङमा आईतबार तेस्रो स्थानको लागि भएको खेलमा आर्मीले स्प्रिटलाई २२ रनले हराएको छ।

आर्मीले दिएको १ सय ४८ रनको लक्ष्य पछ्याएको स्प्रिटले २० ओभरमा ६ विकेट गुमाएर १ सय २५ रन मात्र बनायो ।

स्प्रिटका लागि केरी ऐनी टोमलिनसनले ४० बलमा सर्वाधिक ३३ रन बनाईन् । ओपनर सारा ब्राइस र गार्गी भोग्लेले समान २५/२५ रन बनाउँदा यश्मिनी दाश्वानी १२ बलमा २५ बनाउँदै अविजित रहिन् ।

आर्मीका लागि लौरी कारडोसोले २ तथा रुमना अहमदले १ विकेट लिईन् । 

आर्मीका लागि रुविना क्षेत्रीले कुनै विकेट नलिए पनि ३ ओभरमा मात्र १२ रन खर्चिएर कसिलो बलिङ गरिन् । 

त्यसअघि टस हारेर पहिले ब्याटिङ गरेको आर्मीले २० ओभरमा ४ विकेट गुमाएर १ सय ४७ रन बनाएको थियो । 

आर्मीका लागि दिरेन्द्र डोट्इनले ३८ बलमा ६ चौका र ६ छक्काको सहयोगमा ७५ रनको अर्धशतकीय ईनिङ खेलिन् । कविशा इगोडागे २४ तथा किनु गिल १५ रनमा अविजित रहिन् ।

रुबिनाले ब्याटिङको भने अवसर पाईनन् । 

स्प्रिटका लागि महिका गौर,गार्गी भोग्ले र नट्थाकन चान्थम्ले समान १/१ विकेट लिए ।