१५१ रन मै अलआउट भयो कर्णाली

काठमाडौं। कर्णाली प्रदेश प्रधानमन्त्री कप एकदिवसीय राष्ट्रिय पुरुष क्रिकेट प्रतियोगितामा १५१ रनमै अलआउट भएको छ।

जनकपुरस्थित रामजानकी बहुउद्देशीय रंगशालमा टस जितेर पहिला ब्याटिङ थालेको कर्णालीले ३९.१ ओभर खेल्दै कोशी प्रदेशलाई १५२ रनको लक्ष्य दिएको हो।

कर्णालीका विपिन शाहीले सर्वाधिक ६३ रन बनाए। ९८ बल खेलेका उनले ८ चौका प्रहार गरे। तर, अन्य ब्याटरले साथ दिन सकेनन्।

कोशीका प्रेम कामतले उत्कृष्ट प्रदर्शन गर्दै ४ विकेट लिए। ज्ञानेन्द्र श्रेष्ठले ३ विकेट लिँदा सुजन थपलियाले २ तथा विपिन महतोले १ विकेट लिए।