काठमाडौं । इन्डियन प्रिमियर लिग (आईपीएल) २०२३ मा सनराईजर्स हैदराबादले लखनउ सुपर जायन्ट्सका विरुद्ध टस जितेको छ ।
लखनउको घरेलु मैदान एकना स्टेडियममा टस जितेर हैदराबादले ब्याटिङ रोजे पछि घरेलु टोलीले पहिला बलिङ गर्दैछ ।
लखनउले यो सिजनको तस्रो खेल खेल्दैछ । हैदराबादले भने सिजनको दोस्रो खेल खेल्दैछ ।
पहिलो खेलमा लखनउले घरेलु मैदानमा दिल्ली क्यापिटल्सलाई ५० रनले सहज रुपमा हराएको थियो ।
दोस्रो खेलमा चेनई सुपर किंग्ससँग उसकै घरेलु मैदानमा पराजित लखनउ आजको खेलमा भने जित निकाल्न चाहन्छ।
घरेलु मैदानमा पहिलो खेलमा राजस्थान रोयल्ससँग ७२ रनले पराजित हैदराबाद पहिलो जितको खोजीमा रहेको छ।
दुई खेलमा १ जित र १ हारका साथ लखनउ १० टोली सहभागी लिगको पाँचौ स्थानमा रहेको छ ।
उता, पहिलो खेलमा हार व्यहोरेको हैदराबाद अंकबिहिन रहेर तालिकाको पुछारमा रहेको छ ।
हैदराबादमा नयाँ नियुक्त भएका कप्तान एडेन माक्ररम लगायतका तीन दक्षिण अफ्रिकी खेलाडी आजको खेलका लागि उपलब्ध हुनेछन् ।
माक्ररमले कप्तानका रुपमा आईपीएल डेब्यु गर्दैछन् ।
हैदराबादमा माक्ररम सहित हेनरिक क्लासन र मार्को यानसन पनि टोलीमा जोडिएका छन् ।
लखनउमा पनि दक्षिण अफ्रिकाका क्विटन डि कक आजको खेलका लागि उपलब्ध भएका छन् ।
उनको अभावमा ओपनिङमा उत्कृष्ट प्रदर्शन गरेका कायल मेयर्स तीन नम्बरमा खेल्ने सम्भावना रहेको छ ।
डि ककको आगमनसँगै एक विदेशी कोटाका खेलाडी बाहिरिने निश्चित रहेको छ ।
