राजस्थानले टस जित्यो

काठमाडौं । इन्डियन प्रिमियर लिग (आइपिएल) २०२३ मा राजस्थान रोयल्सले पन्जाब किंग्सका विरुद्ध राजस्थान रोयल्सले टस जितेको छ ।

ब्रासपारा क्रिकेट स्टेडियम गुवाहाटीमा राजस्थानले टस जितेर बलिङ रोजे पछि पन्जाबले पहिला ब्याटिङ गर्दै छ ।

१६ वर्षको ईतिहासमा पहिलो पटक यस स्टेडियममा आईपीएलको खेल हुदैछ । यस स्टेडियममा २०१७ मा नै पहिलो पटक अन्तराष्ट्रिय क्रिकेट आयोजना भएको थियो ।

यस सिजनको दोस्रो खेल खेल्न लागेका छन् । दुवै टोलीका दोस्रो जितको खोजीमा रहेका छन् ।

घरेलु मैदानमा सानदार सुरुआत गरेको पन्जाबले पहिलो खेलमा कोलकत्तालाई हराएको थियो ।  

पन्जाबले कोलकत्तालाई डीएल मेथडमा ७ रनले हराएको थियो । 

पहिलो खेलमा राजस्थानले सनराईजर्स हैदराबादलाई उसकै घरेलु मैदानमा ७२ रनको सानदार जित निकालेको थियो ।

पहिलो खेलमा जित हासिल गरेका दुवै टोली आजको खेलमा पनि सोही लयलाई निरन्तरता दिन चाहन्छ ।

पहिलो खेलमा जित हात पारेको राजस्थान २ अंकका साथ १० टोली सहभागी लिगको दोस्रो स्थानमा रहेको छ । 

उता, पहिलो खेल जितबाट सुरुआत गरेको पन्जाब २ अंकका साथ पाँचौं स्थानमा रहेको छ ।

पहिलो खेलमा झै लियम लिविङ्स्टोन पन्जाबको टोलीमा नरहँदा कागिसो रबाडा भने टिममा फर्किएका छन् । 

राजस्थानका लागि वेस्ट इन्डिजका तीव्र गतिका बलर ओबेड म्याकोई पुर्ण फिट भईसकेका छैनन् ।

हेड टु हेड :

पन्जाब र राजस्थानबीच हालसम्म २४ खेल भएको छ । जसमा राजस्थानले १४ तथा पन्जाबले १० खेलमा जित हात पारेको छ ।