टी-ट्वान्टी अन्तराष्ट्रियमा सन्दीपको वरीयतामा सुधार

काठमाडौं । नेपाली राष्ट्रिय क्रिकेट टिमका बलर सन्दीप लामिछानेको आईसीसी टी-ट्वान्टी अन्तराष्ट्रियको बलिङ वरीयतामा सुधार भएको छ । 

अन्तर्राष्ट्रिय क्रिकेट परिषद (आईसीसी) ले अपडेट गरेको नयाँ वरीयतामा लामिछाने एक स्थान सुधार गर्दै ६९ औं स्थानमा रहेका छन्। 

बलिङ तर्फ नै अभिनास बोहोराको नयाँ वरीयतामा १ स्थान तल झरेर १ सयौं स्थानमा रहेका छन् । 

ब्याटिङ तर्फ भने ब्याटर कुशल भुर्तेल नयाँ वरीयतामा कुशल ५५ औं स्थानमा यथावत रहेका छन्।

अर्का ब्याटर दीपेन्द्र सिंह ऐरी ६१ औं स्थानमा यथावत रहेका छन् । 

अलराउण्डर तर्फ दीपेन्द्र सिंह ऐरी १४ औं स्थानमा यथावत रहेका छन् । 

ब्याटिङतर्फ भारतका सुर्यकुमार यादव शीर्ष स्थानमा रहेका छन् । 

बलिङमा भने अफगानिस्तानका राशिद खान शीर्ष स्थानमा रहेका छन् ।

टी-ट्वान्टी अन्तराष्ट्रिय वरीयतामा नेपाल १६ औं स्थानमा यथावत रहेको छ ।