युएईको दोस्रो जित,क्यानडाको पहिलो हार 

काठमाडौं । नामिबियामा जारी रहेको आईसीसी विश्वकप छनोट प्लेअफ प्रतियोगितामा क्यानडाले तेस्रो खेलमा पहिलो हार व्यहोरेको छ । 

तेस्रो खेलमा पहिलो हार व्यहोर्ने क्रममा नामिबियाको विन्डोकमा रहेको वन्डुरस क्रिकेट मैदानमा खेलमा भएको खेलमा युएई क्यानडालाई विकेटले पराजित गरेको हो । 

क्यानडाले दिएको २ सय ५५ रनको लक्ष्य युएईले ४९ ओभरमा ४ विकेट गुमाएर पूरा गर्यो । 

युएईका लागि कप्तान मुहम्मद वासिम र आर्यन लाक्राले अर्धशतक बनाए । वासिमले ७८ बलमा ८० रन बनाउँदा लाक्राले १ सय ९ बलमा ५३ रन बनाए । 

रमिज शाहजादले बलमा अविजित रन बनाए । वृत्य अरबिन्दले २५ तथा रोहन मुस्ताफाले अविजित रन बनाए । 

क्यानडाका लागि जेरिमाइ ग्रोडान,हर्ष थाकेर,निखिल दत्त र कप्तान साद विन जाफरले समान १/१ विकेट लिए । 

त्यसअघि टस जितेर पहिले ब्याटिङ गरेको क्यानडाले ४८ ओभर ५ बलमा अलआउट हुदै २ सय ५४ रन बनायो । 

क्यानडाका लागि प्रगत सिंहले ९६ बलमा १३ चौका र २ छक्काको सहयोगमा १ सय २ रन बनाए । 

क्यानडाका लागि आफ्नो पहिलो शतक बनाएका सिंहले ९२ बलमा शतक पूरा गरेका थिए । 

निकोलस क्रिटोनले ६४ बलमा ५० रनको अर्धशतकीय ईनिङ खेले । श्रीमन्था विजयारत्नेले २८ रन बनाउँदा कप्तान साद विन जाफरले १४ रन बनाए । 

युएईका लागि आयान खानले ३ तथा जुनेद सिद्दिकी र जाहोर खानले समान २/२ विकेट लिए । 

प्रतियोगितामा पहिलो हार व्यहारेको क्यानडा ४ अंक सहित अंक तालिकाको तेस्रो स्थानमा रहेको छ ।

तेस्रो खेलमा दोस्रो जित हात पारेको युएई अंक तालिकाको चौथो स्थानमा रहेको छ ।

प्रतियोगितामा ६ टोलीको सहभागीता रहेको छ । प्लेअफमा आईसीसी विश्वकप लिग टू का पुछारका चार टोलीसँगै आईसीसी विश्वकप च्यालेन्ज लिग ए र बी का विजेता राष्ट्रहरुको सहभागीता रहेको छ ।

लिग टू मा नामिबिया चौथो, अमेरिका पाँचौं, युएई छैटौं र पपुवा न्युगिनी पुछारमा रहँदै प्लेअफमा रहेका छन् । प्लेअफमा च्यालेन्ज लिग ए र बी का विजेता जर्सी र क्यानडा पनि रहेका छन् ।

सिंगल राउन्ड रोविनको आधारमा हुने प्रतियोगितामा शीर्ष दुई टोलीले जिम्बावेमा हुने विश्वकप छनोट खेल्न पाउनेछन् । विश्वकप छनोट खेलका लागि नेपाल भने छनोट भईसकेको छ ।

त्यस्तै पुछारका दुई टोली युएई र पीएनजीले भने प्लेअफमार्फत एकदिवसीय अन्तराष्ट्रिय मान्यता जोगाउनु पर्नेछ । 

प्लेअफ प्रतियोगिताका सबै खेल एकदिवसीय अन्तराष्ट्रिय मान्यता प्राप्त हुनेछन् । 

प्लेअफमा अमेरिका र नामिबियाले जुनसुकै स्थान हासिल गरेपनि एकदिवसीय अन्तराष्ट्रिय मान्यता जोगाइसकेका छन्।

युएई र पीएनजीले एकदिवसीय अन्तराष्ट्रिय मान्यता जोगाउन भने क्यानडा र जर्सीभन्दा माथि रहेर प्लेअफको अन्त्य गर्नुपर्ने हुन्छ ।