जर्सीको पहिलो ओडिआई जित 

काठमाडौं । नामिबियामा जारी रहेको आईसीसी विश्वकप छनोट प्लेअफ प्रतियोगितामा जर्सीले पपुवा न्युगिनी(पीएनजी)लाई पराजित गरि एकदिवसीय अन्तराष्ट्रिय(ओडिआई) मान्यता प्राप्त खेलमा पहिलो जित हात पारेको छ । 

यसै प्रतियोगितामा एकदिवसीय अन्तराष्ट्रियमा डेब्यु गरेको जर्सीले आफ्नो तेस्रो ओडिआई खेलमा नै जित हात पारेको हो । 

नामिबियाको युनाइटेड क्रिकेट मैदानमा पहिलो ओडिआई जित निकाल्नेक्रममा जर्सीले पीएनजीलाई ११ रनले पराजित गरेको हो । 

जर्सीले दिएको २ सय ९२ रनको लक्ष्य पछ्याएको पीएनजीले ५० ओभरमा ९ विकेट गुमाएर २ सय ८० रन मात्र बनायो ।

पीएनजीका लागि कप्तान असद भाला,चाल्र्स अमिनी र रिलि हेरुकेले अर्धशतकीय ईनिङ खेले । कप्तान भालाले १ सय ७ बलमा ७५ रन बनाउँदा हेरुकेले ५१ बलमा ५८ रन बनाए । 

अमिनीले ४७ बलमा ५४ रन बनाए । ओपनर टोनी उराले २९ तथा सेसे बाउले २६ रन बनाए । चाड सोपार १३ रनमा रनआउट भए ।

जर्सीका लागि ह्यारिन्सन कार्लिअन,जुलिस सुमिरराउरी,कप्तान चाल्र्स प्रचाड र इलिट मिल्सले समान २२ विकेट लिए । 
 
त्यसअघि टस जितेर पहिले ब्याटिङ गरेको जर्सीले ५० ओभरमा ४ विकेट गुमाएर २ सय ९१ रन बनायो ।

जर्सीका लागि जोस लरेन्सन र असा ट्रिबिले शतकीय ईनिङ खेले । जर्सीको लागि एकदिवसीय अन्तराष्ट्रियमा पहिलो शतक बनाएका लरेन्सनले १ सय ५ बलमा ११ चौका र २ छक्काको सहयोगमा १ सय १४ रनमा आउट भए । 

ट्रिबिले बलमा चौका र छक्काको सहयोगमा अविजित रन बनाए । ह्यारिन्सन कार्लिअनले २६ रन बनाउँदा निक ग्रिनउडले १४ रन बनाए । 

पीएनजीका लागि चाड सोपार र सिमो कमियले समान २र२ विकेट लिए । 

दोस्रो खेल पहिलो जित हात पारेको जर्सी २ अंकका साथ पाँचौ स्थानमा रहेको छ । अंक बिहिन पीएनजी अंक तालिकाको पुछारमा रहेको छ ।

आजको हारबाट पीएनजीलाई विश्वकप छनोटमा स्थान बनाउँन तथा एकदिवसीय अन्तराष्ट्रिय मान्यता कायम गर्न कठिन रहेको छ । 

प्रतियोगितामा ६ टोलीको सहभागीता रहेको छ । प्लेअफमा आईसीसी विश्वकप लिग टू का पुछारका चार टोलीसँगै आईसीसी विश्वकप च्यालेन्ज लिग ए र बी का विजेता राष्ट्रहरुको सहभागीता रहेको छ ।

लिग टू मा नामिबिया चौथो, अमेरिका पाँचौं, युएई छैटौं र पपुवा न्युगिनी पुछारमा रहँदै प्लेअफमा रहेका छन् । प्लेअफमा च्यालेन्ज लिग ए र बी का विजेता जर्सी र क्यानडा पनि रहेका छन् ।

सिंगल राउन्ड रोविनको आधारमा हुने प्रतियोगितामा शीर्ष दुई टोलीले जिम्बावेमा हुने विश्वकप छनोट खेल्न पाउनेछन् । विश्वकप छनोट खेलका लागि नेपाल भने छनोट भईसकेको छ ।

त्यस्तै पुछारका दुई टोली युएई र पीएनजीले भने प्लेअफमार्फत एकदिवसीय अन्तराष्ट्रिय मान्यता जोगाउनु पर्नेछ । 

प्लेअफ प्रतियोगिताका सबै खेल एकदिवसीय अन्तराष्ट्रिय मान्यता प्राप्त हुनेछन् । 

प्लेअफमा अमेरिका र नामिबियाले जुनसुकै स्थान हासिल गरेपनि एकदिवसीय अन्तराष्ट्रिय मान्यता जोगाइसकेका छन्।

युएई र पीएनजीले एकदिवसीय अन्तराष्ट्रिय मान्यता जोगाउन भने क्यानडा र जर्सीभन्दा माथि रहेर प्लेअफको अन्त्य गर्नुपर्ने हुन्छ ।