यूएईलाई चौथो विकेट,कुशल आउट 

काठमाडौं । यूएईमा जारी रहेको आईसीसी विश्वकप लिग टू अन्तर्गतको त्रिकोणात्मक सिरिजमा नेपालले घरेलु टोलीविरुद्ध पहिले ब्याटिङ गरिरहेको नेपालले चौथो विकेट गुमाएको छ । 

चौथो विकेटका रुपमा कुशल मल्ल आउट भएका छन् । कुशल रोहन मुस्ताफाको बलमा आउट भएका हुन् ।

नेपालले अहिले १४ ओभर १ बलमा ४ विकेट गुमाएर ५९ रन बनाएको छ । 

यस अघि नेपाली टोलीका कप्तान रोहित कुमार पौडेल आउट भएका थिए ।

पौडेलले ५ बलमा १ रन बनाए । यस अघि नेपालका दुई ओपनर ज्ञानेन्द्र मल्ल र आसिफ शेख आउट भएका थिए ।

मल्ल २६ बलमा ११ रन बनाएर आउट भए । 

नेपालले पहिलो विकेटका रुपमा ओपनर आसिफ शेखलाई गुमाएको थियो । 

आसिफले १४ बल खेलेर ६ रन बनाएर आउट भएका थिए । 

क्रिजमा भिम सार्की र दीपेन्द्र सिंह ऐरी रहेका छन् ।

दुबई अन्तराष्ट्रिय क्रिकेट मैदानमा नेपालले टस जितेर ब्याटिङ रोजेको हो ।  

यस सिरिजमा दुवै टोलीको दोस्रो पटक आमने सामने हुँदैछन् । पहिलो खेलमा नेपाल यूएईसँग पराजित भएको थियो । 

पीएनजीमा आयोजना हुनुपर्ने यो सिरिज मैदानको अवस्थाको कारण यूएईमा सारिएको थियो । 

२०१९ देखि जारी रहेको विश्वकप लिग टूको सिरिजमा नेपालको यो विदेशमा हुने अन्तिम त्रिकोणात्मक सिरिज पनि हो ।

नेपाल ३१ खेलमा १४ मा जित र १५ मा हारसहित ३० अंकमा रहेको छ । नेपाल अंक तालिकाको छैटौं स्थानमा छ । 

युएई ३१ खेलमा १४ मा जित र १४ मा हारसहित ३१ अंकका साथ पाँचौं स्थानमा छ ।

नेपालका ओपनर कुशल भुर्तेल ग्रोईन इन्जुरीका कारण यूएई विरुद्धको खेल भएका छन् । उनको स्थानमा प्रतिश जी.सीले मौका पाएका छन् ।

प्रतिशले पहिलो खेलमा पपुवा न्युगिनीविरुद्ध नेपालको लागि डेब्यू गरेका थिए । उक्त खेलमा ६ ओभरमा ३७ रन खर्चेर १ विकेट लिएका थिए ।