देवको अर्धशतक पूरा
काठमाडौं । नेपालले आईसीसी यू-१९ विश्वकप एसिया क्षेत्र छनोट अन्तर्गतको अन्तिम खेलमा नेपालले यूएईविरुद्धको खेलमा नेपालका कप्तान देव खनालले अर्धशतक पूरा गरेका छन् ।
देवले ७५ बलमा आफ्नो अर्धशतक पूरा गरेका हुन् ।
टस जितेर पहिले ब्याटिङ गरिरहेको नेपालले २६ ओभरको समाप्तीमा ४ विकेट गुमाएर १ सय १२ रन बनाएको छ । नेपालका ओपनर दीपक बोहोरा ईनिङको पहिलो बलमा नै आउट भएका थिए ।
अर्का ओपनर अर्जुन कुमाल ३ तथा आकाश त्रिपाटी ९ रनमा आउट भएका छन् ।
यूएईका लागि हरिस शेठ्ठीले २ तथा हर्शित शेठले १ विकेट लिएका छन् । क्रिजमा कप्तान देव खनाल र विशाल विक्रम केसी रहेका छन् ।
उत्तम थापा ३६ रन बनाएर आउट भए । ६.१ ओभरमा ३ विकेट गुमाईसकेको नेपालका लागि थापा र खनालले ८४ रनको साझेदारी गरेका थिए ।
अजमानको इडन ग्रार्डेन ओभलमा टस जितेर नेपालले ब्याटिङको निर्णय लिएको हो ।
समान अंक रहे पनि यूएई नेटरनरेटको कारण शीर्ष र नेपाल दोस्रो स्थानमा छ ।
नेपाल र युएईबीचको खेलको विजेता टोली प्रतियोगिताको च्याम्पियन बन्दै २०२४ मा श्रीलंकामा हुने यू(१९ विश्वकप खेल्न पाउनेछ ।
नेपाल २०१६ पछि यू९१९ विश्वकप खेल्ने सोचमा हुनेछ । यूएईसँग नेपाल २०१९ मा भोगेको एक रनको हारको बदला लिँदै विश्वकपमा पुग्न चाहन्छ ।
