भारतीय डिफेन्डर खुमलटारमा

काठमाडौं । सहिद स्मारक 'ए' डिभिजन लिगको नवप्रवेशी क्लब एफसी खुमलटारले भारतीय डिफेन्डर सन्विल डी कोस्टालाई अनुबन्ध गरेको छ ।

खुमलटारले बिहीबार दक्षिण एसियाली कोटामा डिफेन्डर कोस्टालाई अनुबन्ध गरिएको जनाएको छ ।

राजस्थान युनाईटेड एफसीबाट खुमलटारले कोस्टालाई अनुबन्ध गरेको हो ।

खुमलटारले उनलाई एक सिजनका लागि अनुबन्ध गरेको हो ।

नयाँ सिजनको 'ए' डिभिजन लिग फागुन १९ गतेबाट सुरु हुँदैछ । लिग डबल राउण्ड रोबिनको आधारमा हुनेछ ।

खुमलटारले पहिलो पटक शीर्ष डिभिजन लिग खेल्न लागेको हो ।

खुमलटार 'बी' डिभिजन लिगको उपविजेता बन्दै शीर्ष डिभिजनमा उक्लिएको हो ।