फ्रान्सका पूर्व स्ट्राइकर फन्टेनको निधन

काठमाडौं ।  एकै विश्वकपमा सर्वाधिक गोल गर्ने खेलाडीको कीर्तिमान बनाउने स्ट्राइकर जस्ट फन्टेनको निधन भएको छ।

फ्रान्सका पूर्व स्ट्राइकर फन्टेनको ८९ वर्षको उमेरमा निधन भएको हो ।

स्वीडेनमा भएको सन् १९५८ को विश्वकपमा फ्रान्सका लागि फन्टेनले ६ खेलमा १३ गोल गरेका थिए ।

उनी अर्जेन्टिनाका लियोनेल मेस्सीसँगै विश्वकपका सर्वाधिक गोलकर्ताको सूचीको चौंथो स्थानमा छन् ।

फन्टेनले सन् १९५३ देखि १९६० सम्म फ्रान्सका लागि २१ खेल खेल्दै ३० गोल गरेका थिए ।

उनले आफ्नो क्लब करियरको अधिकांश समय रिम्समा बिताएका थिए । जसमा उनले १५२ खेलमा १४५ गोल गरे । तीन पटक लिग वान उपाधि जितेका थिए ।

खुट्टा भाचिएपछि उनले १९९६ मा २८ वर्षकै उमेरमा सन्यास लिएका थिए ।

खेल जीवनपछि उनले प्रशिक्षकको रुपमा काम गरेका थिए ।