आर्सनललाई पाँच अंकको अग्रता

काठमाडौं । इंग्लिस प्रिमियर लिग फुटबलमा शीर्ष स्थानको आर्सनलले सहज जित निकालेको छ ।

बुधबार राति भएको खेलमा आर्सनलले एभर्टनलाई ४-० गोल अन्तरले  हराएको हो ।

घरेलु मैदानमा खेलको ४० औं मिनेटमा बुकायो साकाले गोल गर्दै आर्सनललाई सुरुआती अग्रता दिलाएका थिए ।

पहिलो हाफको इन्जुरी समयमा गाब्रिएल मार्टिनेलीले गोल गर्दै आर्सनलको अग्रता दोब्बर बनाए ।

खेलको ७१ औं मिनेटमा मार्टिन ओडेगार्डले गोल गर्दै आर्सनललाई ३-० को अग्रता दिलाए ।

त्यसपछि ८० औं मिनेटमा गाब्रिएलले व्यक्तिगत दोस्रो गोल गर्दै आर्सनललाई ४-० को जित दिलाए ।

जितसँगै आर्सनलले शीर्ष स्थानमा ५ अंकको अग्रता बनाएको छ ।

आर्सनलले २५ खेलमा ६० अंक जोडेको छ ।

एभर्टन २१ अंक जोडेर १८ औं स्थानमा रहेको छ ।