ब्लाकबर्नसँग लेस्टर पराजित

 काठमाडौं । प्रिमियर लिग लेस्टर सिटी एफए कप फुटबलको पाँचौं चरणबाट बाहिरिएको छ ।

मंगलबार राति च्याम्पियनसिप क्लब ब्लाकबर्न रोभर्ससँग २-१ ले पराजित हुँदै लेस्टर बाहिरिएको हो ।

लेस्टर घरेलु मैदानमै पराजित हुँदै बाहिरिएको हो ।

खेलको ३३ औं मिनेटमा डोलनले गोल गर्दै ब्लाकबर्नलाई सुरुआती अग्रता दिलाएका थिए ।

सामी स्ज्मोडिक्सले ५२ औं मिनेटमा गोल गर्दै टिमको अग्रता दोब्बर बनाए ।

त्यसपछि खेलको ६७ औं मिनेटमा केलिची इहानाचोले गोल गरेपनि लेस्टर २-१ ले पराजित भयो ।