मिलानको सहज जित

काठमाडौं । इटालियन सिरी ए फुटबलमा एसी मिलानले सहज जित निकालेको छ ।

आइतबार राति भएको खेलमा मिलानले एट्लान्टालाई २-० गोल अन्तरले हराएको हो ।

घरेलु मैदानमा खेलको २५ औं मिनेटमा जान मुस्सोले आत्मघाती गोल गरेपछि मिलानले सुरुआती अग्रता लिएको थियो ।

त्यसपछि खेलको ८६ औं मिनेटमा जुनियर मेस्सियासले गोल गर्दै मिलानलाई २-० को जित दिलाए ।

जितसँगै मिलानले २४ खेलमा ४७ अंक जोडेको छ ।

मिलान तेस्रो स्थानमा रहेको छ ।

एट्लान्टा ४१ अंक जोडेर छैटौं स्थानमा रहेको छ ।