बायर्न शीर्ष स्थानमा

काठमाडौं । जर्मन बुन्डेसलिगा फुटबलमा बायर्न म्युनिखले सहज जित निकालेको छ ।

आइतबार राति भएको खेलमा बायर्नले युनियन बर्लिनलाई ३-० ले हराएको हो ।

खेलको ३१ औं मिनेटमा एरिक म्याक्सिम मोटीङले गोल गर्दै बायर्नलाई सुरुआती अग्रता दिलाएका थिए ।

खेलको ४० औं मिनेटमा किङस्ले कोम्यानले गोल गर्दै बायर्नको अग्रता २-० को बनाए ।

त्यसपछि पहिलो हाफको इन्जुरी समयमा जमल मुसिआलाले गोल गर्दै बायर्नलाई ३-० को जित दिलाए ।

यस जितसँगै बायर्न अंक तालिकाको शीर्ष स्थानमा उक्लिएको छ ।

बायर्नले २२ खेलमा ४६ अंक जोडेको छ ।

बर्लिन ४३ अंक जोडेर तेस्रो स्थानमा रहेको छ ।