हिमालयन ह्वाइट हाउसलाई उपाधि

काठमाडौं । पुर्वान्चल विश्वविद्यालय अखिल कप फुटबलको उपाधि हिमालयन ह्वाइट हाउस (सिविल समूह) ले जितेको छ।

फाइनलमा आयोजक अनेरास्वब्यु राष्ट्रिय कमिटी टिमलाई पेनाल्टी सुटआउटमा हराउँदै ह्वाइट हाउसले उपाधि उचालेको हो ।

खेलको निर्धारित समय २-२ गोलको बराबरी भएपछि खेल पेनाल्टीमा गएको थियो ।

प्रतियोगिताको उत्कृष्ट खेलाडी कान्तिपुर सिटी कलेजका राजन शाही, उत्कृष्ट गोलकिपर हिमालयनका अबिर बस्नेत र सर्वाधिक गोलकर्ता हिमालयनका सौगात अर्याल घोषित भए ।

प्रतियोगितामा कुल १२ कलेजको सहभागिता रहेको थियो ।