नापोलीलाई १८ अंकको अग्रता

काठमाडौं । इटालियन सिरी ए फुटबलमा शीर्ष स्थानको नापोलीले जितलाई निरन्तरता दिएको छ ।

शनिबार राति भएको खेलमा नापोलीले इम्पोलीलाई २-० गोल अन्तरले हराएको हो ।

खेलको १७ औं मिनेटमा इम्पोलीका एड्रिन इस्माज्लीले आत्मघाती गोल गरेपछि नापोलीले सुरुआती अग्रता बनाएको थियो।

त्यसपछि खेलको २८ औं मिनेटमा भिक्टर ओसिमहेनले गोल गर्दै नापोलीलाई २-० को जित दिलाए ।

खेलको ६७ औं मिनेटमा मारियो रुईले रातो कार्ड पाएपछि नापोली १० खेलाडीमा समेटिएको थियो ।

यस जितसँगै नापोलीले उपाधि होड बलियो बनाएको छ ।

नापोलीले शीर्ष स्थानमा १८ अंकको अग्रता समेत बनाएको छ ।

नापोलीले २४ खेलमा ६५ अंक जोडेको छ ।

इम्पोली २८ अंक जोडेर १२ औं स्थानमा रहेको छ ।