हारबाट जोगियो रियल

काठमाडौं । स्पेनिस ला लिगा फुटबलमा रियल मड्रिडले घरेलु मैदानमा बराबरी खेलेको छ ।

रियलले शनिबार राति मड्रिड डर्बीमा एट्लेटिको मड्रिडसँग १-१ गोलको बराबरी खेलेको हो ।

प्रतिस्पर्धात्मक खेलमा सुरुआती अग्रता एट्लेटिकोले बनाएको थियो ।

७८ औं मिनेटमा जोसे मारिया जिमिनेजले गोल गर्दै एट्लेटिकोलाई अग्रता दिलाएका थिए ।

खेलको ६४ औं मिनेटमा एन्जल कोर्रेयाले रातो कार्ड पाएपछि एट्लेटिको १० खेलाडीमा समेटियो ।

त्यसपछि खेलको ८५ औं मिनेटमा अल्भारो रोड्रिगेजले गोल गर्दै रियललाई १-१ गोलको बराबरीमा फर्काएर हारबाट जोगाए ।

यस बराबरीसँगै रियलले २३ खेलमा ५२ अंक जोडेको छ ।

रियल दोस्रो स्थानमा रहेको छ ।

एट्लेटिको ४२ अंक जोडेर चौंथो स्थानमा रहेको छ ।