नसरको जितमा रोनाल्डोको ह्याट्रिक

काठमाडौं ।  साउदी प्रो लिग फुटबलमा क्रिस्टियानो रोनाल्डो आबद्द अल नसरले सहज जित निकालेको छ ।

शनिबार राति भएको खेलमा नसरले डामाकलाई ३-० गोल अन्तरले हराएको हो ।

अल नसरको जितमा रोनाल्डोले ह्याट्रिक गोल गरे ।

खेलको १८ औं मिनेटमा रोनाल्डोले पेनाल्टीबाट गोल गर्दै टोलीलाई सुरुआती अग्रता दिलाएका थिए ।

२३ औं मिनेटमा रोनाल्डोले व्यक्तिगत दोस्रो गोल गरे ।

त्यसपछि खेलको ४४ औं मिनेटमा रोनाल्डोले ह्याट्रिक पूरा गर्दा नसरले ३-० को जित निकाल्यो ।

नसरका लागि रोनाल्डोको यो दोस्रो ह्याट्रिक हो ।

जितसँगै नसर शीर्ष स्थानमा उक्लिएको छ ।

नसरले १८ खेलमा ४३ अंक जोडेको छ ।

डामाक २२ अंक जोडेर सातौं स्थानमा रहेको छ ।