सिटीको सहज जित

काठमाडौं । इंग्लिस प्रिमियर लिग फुटबलमा म्यानचेस्टर सिटीले सहज जित निकालेको छ ।

शनिबार राति भएको खेलमा सिटीले बर्नेमाउथलाई ४-१ गोल अन्तरले हराएको हो ।

खेलको १५ औं मिनेटमा जुलियन अल्भारेजले गोल गर्दै सिटीलाई सुरुआती अग्रता दिलाएका थिए ।

खेलको २९ औं मिनेटमा अर्लिङ हालाण्डले गोल गर्दा सिटीको अग्रता दोब्बर बन्यो ।

४५ औं मिनेटमा फिल फोडेनले गोल गर्दै सिटीलाई ३-० को अग्रता दिलाए ।

खेलको ५१ औं मिनेटमा बर्नेमाउथका क्रिस मेपहमले आत्मघाती गोल गरेपछि सिटीको अग्रता ४-० को बन्यो ।

खेलको ८३ औं मिनेटमा बर्नेमाउथका जेफरसन लेर्माले एक गोल गरेपनि सिटी ४-१ ले विजयी भयो ।

यस जितसँगै सिटीले शीर्ष स्थानको आर्सनलसँगको अंक दुरी घटाएको छ ।

सिटी २५ खेलमा ५५ अंक जोडेर दोस्रो स्थानमा रहेको छ । आर्सनलको ५७ अंक रहेको छ ।

बर्नेमाउथ २१ अंक जोडेर १९ औं स्थानमा रहेको छ ।