डर्टमण्ड शीर्ष स्थानमा  

काठमाडौं । जर्मन बुन्डेसलिगा फुटबलमा बोरुसिया डर्टमण्डले जित निकालेको छ ।

शनिबार राति भएको खेलमा डर्टमण्डले होफेनहाइम १-० गोल अन्तरले हराएको हो ।

डर्टमण्डको जितमा जुलियन ब्रान्टले निर्णायक गोल गरे ।

जुलियनले खेलको ४३ औं मिनेटमा गोल गरेका थिए ।

यस जितसँगै डर्टमण्ड शीर्ष स्थानमा उक्लिएको छ ।

डर्टमण्डले २२ खेलमा ४६ अंक जोडेको छ ।

दोस्रो स्थानको बायर्न म्युनिखको ४३ अंक रहेको छ ।

होफेनहाइम १९ अंक जोडेर १६ औं स्थानमा रहेको छ ।