पिकफोर्ड एभर्टनमै बस्ने

काठमाडौं । गोलकिपर जोर्डन पिकफोर्डले एभर्टनसँगको सम्झौता नवीकरण गरेका छन् ।

इंग्ल्यान्डका गोलकिपरले एभर्टनसँग साढे ४ वर्षको नयाँ सम्झौता गरेका छन् ।

टोटेनहम जाने चर्चा चलिरहेको बेला पिकफोर्डले एभर्टनसँग नयाँ सम्झौता गरेका हुन् ।

२८ वर्षीय गोलकिपर सन् २०१७ मा सन्डरल्याण्डबाट एभर्टन आएका थिए ।

एभर्टनका लागि उनले २ सय २२ खेल खेलिसकेका छन् ।

पिकफोर्डले इंग्ल्यान्डका लागि ५० खेल खेलिसकेका छन् ।