बराबरीमा रोकियो सिटी

काठमाडौं । यूईएफए च्याम्पियन्स लिग फुटबलको राउण्ड अफ १६ अन्तर्गत पहिलो लेगमा प्रिमियर लिग क्लब म्यानचेस्टर सिटी बराबरीमा रोकिएको छ ।

बुधबार राति भएको खेलमा सिटीले जर्मन क्लब आरबी लाइपजिगसँग १-१ गोलको बराबरी खेलेको हो ।

लाइपजिगको मैदानमा एक गोलको अग्रता जोगाउन नसक्दा सिटी बराबरीमा रोकिएको हो ।

खेलको २७ औं मिनेटमा रियाद  महरेजले गोल गर्दै सिटीलाई सुरुआती अग्रता दिलाएका थिए ।

तर, खेलको ७० औं मिनेटमा जोस्को ग्वार्डीओलले गोल गर्दै लाइपजिगलाई १-१ गोलको बराबरीमा ल्याए ।

यस बराबरीसँगै दुबै टोलीको अन्तिम आठमा पुग्ने सम्भावना कायम रहेको छ ।

दुई टोलीबीचको दोस्रो लेग मार्च १५ मा हुनेछ । जुन खेल सिटीको मैदानमा हुनेछ ।