मनाङलाई मकवानपुर गोल्डकपको उपाधि

काठमाडौं । मनाङ मर्स्याङ्दी क्लबले पाँचौ संस्करणको सहिद स्मृति राष्ट्रिय मकवानपुर गोल्डकप फुटबल प्रतियोगिताको उपाधि जितेको छ ।

बुधबार भएको फाइनल खेलमा हिमालयन शेर्पा क्लबलाई १–० गोल अन्तरले पराजित गर्दै मनाङले उपाधि जितेको हो ।

मनाङको जितमा रोशन राना मगरले खेलको दोस्रो हाफमा विजयी गाल गरे । 

उपाधिसँगै मनाङले १५ लाख रुपैयाँ प्राप्त गरेको छ । उपविजेता शेर्पाले १० लाख रुपैयाँ हात पारेको छ । 

सर्वोत्कृष्ट खेलाडी मनाङका कप्तान दिप कार्की चुनिए । उनले बुलेट मोटरसाईकल प्राप्त गरे । 

युवा खेलाडीलाई समावेश गर्दै मनाङले तयार पारेको टिमले सिजनको पहिलो उपाधिको रुपमा मकवानपुर गोल्डकपको उपाधि उचालेको हो ।