नाबरुङलाई उपाधि

काठमाडौं।  दोस्रो भानु कप फुटबलको उपाधि नाबरुङ युवा क्लब 'ए' ले जितेको छ ।

भानु नगरपालिका वडा-५ को आयोजनामा भएको प्रतियोगिताको फाइनलमा डी एण्ड बी  ढाँडखोला बिरुवालाई ३-० ले हराउँदै नाबरुङले उपाधि जितेको हो ।  

जनसेवा युवा क्लब बारीफाँटले नाबरुङ युवा क्लब 'बी' लाई २-२ गोलको बराबरी  पश्चात् पेनाल्टी सुटआउटमा हराएर तेस्रो स्थान हासिल गरेको छ ।

प्रतियोगितामा १६ वटा टिमको सहभागिता रहेको थियो ।

पहिलो हुने टोलीले २० हजार, दोस्रोले १५ हजार र तेस्रोले १० हजार प्राप्त गरेका छन् ।