मार्सेलोले छाडे ओलम्पियाकोस

काठमाडौं । ब्राजिलियन डिफेन्डर मार्सेलोले ग्रीसको क्लब ओलम्पियाकोस एफसी छाडेका छन् ।

डिफेन्डर मार्सेलोले अनुबन्ध भएको पाँच महिनामै ओलम्पियाकोस छाडेका हुन् ।

३४ वर्षीय डिफेन्डर मार्सेलोले एक वर्षको सम्झौता गरेका थिए ।

ओलम्पियाकोसमा उनले १० खेलमा ३ गोल गरेका थिए ।

स्पेनिस क्लब रियल मड्रिड छाडेर मार्सेलो ग्रीस लागेका थिए ।

लेफ्ट ब्याक मार्सेलोले १५ वर्ष बिताएर रियल छाडेका हुन् ।

डिफेन्डर मार्सेलो २००७ मा रियल आएका थिए ।

रियलका लागि उनले २५ उपाधि जितेका छन् । जसमा ५ च्याम्पियन्स लिग रहेको छ ।

रियलका उनले ५ सय ४५ खेल खेलेका छन् । उनले ३८ गोल र १ सय ३ असिस्ट गरेका छन् ।