न्युकासलमाथि लिभरपुलको सहज जित  

काठमाडौं । इंग्लिस प्रिमियर लिग फुटबलमा लिभरपुलले सहज जित निकालेको छ ।

शनिबार राति भएको खेलमा लिभरपुलले न्युकासललाई २-० गोल अन्तरले हराएको हो ।

लिभरपुलको जितमा डार्विन नुनेज र कोडी गाक्पोले एक एक गोल गरे ।

खेलको दशौँ मिनेटमा नुनेजले गोल गर्दै लिभरपुललाई सुरुआती अग्रता दिलाएका थिए ।

खेलको १७ औं मिनेटमा गाक्पोले गोल गर्दै लिभरपुललाई २-० को जित दिलाए ।

खेलको २२ औं मिनेटमा गोलकिपर निक पोपले रातो कार्ड पाएपछि न्युकासल १० खेलाडीमा समेटिएको थियो ।

यस जितसँगै लिभरपुलले २२ खेलमा ३५ अंक जोडेको छ ।

लिभरपुल आठौं स्थानमा रहेको छ ।

न्युकासल ४१ अंक जोडेर चौंथो स्थानमा रहेको छ ।