चेल्सी घरमै पराजित

काठमाडौं । इंग्लिस प्रिमियर लिग फुटबलमा चेल्सी घरेलु मैदानमै पराजित भएको छ ।

शनिबार राति भएको खेलमा चेल्सीलाई साउथह्याम्पटनले १-० गोल अन्तरले हराएको हो ।

पुछारमा रहेको साउथह्याम्पटनलाई जित दिलाउन जेम्स वार्ड प्राउसले निर्णायक गोल गरे ।

जेम्सले पहिलो हाफको इन्जुरी समयमा फ्रिकिकमार्फत गोल गरे ।

यस जितसँगै साउथह्याम्पटन २३ खेलमा १८ अंक जोडेर २० औं स्थानमा रहेको छ ।

चेल्सी ३१ अंक जोडेर दशौँ स्थानमा रहेको छ ।