बराबरीमा रोकियो सिटी

काठमाडौं । इंग्लिस प्रिमियर लिग फुटबलमा म्यानचेस्टर सिटी बराबरीमा रोकिएको छ ।

शनिबार राति भएको खेलमा सिटीले नटिङघम फरेस्टसँग १-१ गोलको बराबरी खेलेको हो ।

सिटीले सुरुआती एक गोलको अग्रता जोगाउन नसक्दा अंक बाड्नु परेको हो ।

खेलको ४१ औं मिनेटमा बेर्नार्डो सिल्भाले गोल गर्दै सिटीलाई सुरुआती अग्रता दिलाएका थिए ।

तर, खेलको ८४ औं मिनेटमा क्रिस उडले गोल गर्दै नटिङघमलाई १-१ गोलको बराबरीमा ल्याए ।

यस बराबरीसँगै सिटीले २४ खेलमा ५२ अंक जोडेको छ ।

सिटी दोस्रो स्थानमा रहेको छ ।

 फरेस्ट २५ अंक जोडेर १३ औं स्थानमा रहेको छ ।