नापोलीलाई १८ अंकको अग्रता

काठमाडौं । इटालियन सिरी ए फुटबलमा नापोलीले सहज जित निकालेको छ ।

शुक्रबार राति भएको खेलमा नापोलीले सासोउलोलाई २-० गोल अन्तरले हराएको हो ।

नापोलीको जितमा कभिचा केभाराटकेलिया र भिक्टर ओसिमहेनले एक एक गोल गरे ।

खेलको १२ औं मिनेटमा कभिचाले गोल गर्दै नापोलीलाई सुरुआती अग्रता दिलाए ।

त्यसपछि खेलको ३३ औं मिनेटमा भिक्टरले गोल गर्दै नापोलीलाई २-० को जित दिलाए ।

जितसँगै नापोलीले २३ खेलमा ६२ अंक जोडेको छ ।

नापोली दोस्रो स्थानको इन्टर भन्दा १८ अंकले अघि रहेको छ ।

सासोउलो २५ अंक जोडेर १५ औं स्थानमा रहेको छ ।