चेम्जोङ फ्रेन्ड्समा अनुबन्ध

काठमाडौं । सहिद स्मारक 'ए' डिभिजन लिग क्लब फ्रेन्ड्सले मिडफिल्डर बुद्ध चेम्जोङलाई अनुबन्ध गरेको छ ।

फ्रेन्ड्सले बुधबार सामाजिक संजालबाट चेम्जोङलाई अनुबन्ध गरिएको जनाएको छ ।

फ्रेन्ड्सले नयाँ सिजनको 'ए' डिभिजन लिगका लागि चेम्जाङलाई अनुबन्ध गरेको हो ।

चेम्जोङले अघिल्लो सिजन मछिन्द्र क्लबबाट खेलेका थिए ।

यस अघि फ्रेन्ड्सले मिडफिल्डर लक्ष्मण रुचाल, डिफेन्डर अमित तामाङ, मिडफिल्डर डोना थापा, गोलकिपर विशाल सुनार,फरवार्ड राजेश परियार र  मिडफिल्डर रुपेश केसीलाई अनुबन्ध गरेको थियो ।

नयाँ सिजनको 'ए' डिभिजन लिग फागुन १९ गतेबाट सुरु हुँदैछ । लिग डबल राउण्ड रोबिनको आधारमा हुनेछ ।

फ्रेन्ड्सले नवप्रवेशी एफसी खुमलटारसँग खेल्दै नयाँ सिजनको सुरुआत गर्नेछ ।