उज्वेकिस्तानका विंगर मनाङमा अनुबन्धित

काठमाडौं । सहिद स्मारक 'ए' डिभिजन लिग क्लब मनाङ मर्स्याङ्दीले उज्वेकिस्तानका विंगर सेदजामोल दाभ्लातजोनोभलाई अनुबन्ध गरेको छ ।

मनाङले बुधबार सामाजिक संजालबाट विंगर सेदजामोललाई अनुबन्ध गरिएको जनाएको छ ।

विंगर सेदजामोल उज्वेकिस्तानको यू-१८, यू-१९ र यू-२० टिमबाट खेलिसकेका खेलाडी हुन् ।

२५ वर्षीय विंगरले उज्वेकिस्तानको शीर्ष डिभिजनको लिग खेलिसकेका छन्  ।

उनले किर्गीस्तानको लिग समेत खेलिसकेका छन्  ।

यस अघि मनाङले बार्सिलोनाका  पूर्व डिफेन्डर डावान्डु डियाग्नेलाई अनुबन्ध गरेको थियो ।

कीर्तिमानी ८ पटकको च्याम्पियन मनाङले नयाँ सिजनको 'ए' डिभिजन लिगका लागि एसियन कोटामा उज्वेकिस्तानका खेलाडीलाई अनुबन्ध गरेको हो ।

नयाँ सिजनको 'ए' डिभिजन लिग फागुन १९ गतेबाट सुरु हुँदैछ ।

लिग डबल राउण्ड रोबिनको आधारमा हुनेछ ।