काठमाडौं । नेपालले घरेलु मैदानमा मंगलबारबाट नामिबिया,स्कटल्याण्ड र नेपाल सम्मिलित त्रिकोणत्मक सिरिज खेल्दै छ ।
मंगलबारबाट सुरु हुने त्रिकोणात्मक सिरिज विश्वकप लिग टू अन्तर्गत आयोजना भईरहेको छ । लिग टू मा सात राष्ट्रको सहभागीता रहेको छ ।
यस सिरिजमा सहभागी स्कटल्याण्ड ३२ खेलमा २२ मा जित र ८ मा हारका साथ ४६ अंक जोडेर अंक तालिकाको शीर्ष स्थानमा रहेको छ । अनौपचारिक रुपमा च्याम्पियन बनी सकेको स्कटल्याण्डको लागि नेपाल भ्रमण अन्तिम राउण्ड हो।
लिग टूको विजेता बन्न औपचारिकता बाकीँ रहेको स्कटल्याण्डले यस वर्ष नै आयोजना हुने एकदिवसीय विश्वकपको ग्लोबल छनोटमा स्थान बनाईसकेको छ । उसलाई लिग टू को विजेता बन्न कम्तिमा पनि तीन खेलमा जित आवश्यक रहेको छ । लिग टूको अन्तिम सिरिज रहेका कारण कम्तिमा २ खेल जितेर स्कटल्याण्ड विजेता बन्न चाहान्छ ।
नामिबिया विश्वकप लि टूको शीर्ष तीनमा पर्न सम्भावना भएको अर्को टोली हो । नामिबिया नेपाल भ्रमणका क्रममा शीर्ष तीनको स्थान बलियो बनाउँन चाहान्छ । हालसम्म नामिबिया ३० खेलमा १८ मा जित र ११ मा हारसहित ३७ अंक जोड्दै तेस्रो स्थानमा छ ।
शीर्ष तीनमा रहि सिधै विश्वकप छनोट खेल्न नेपालले खेल्न बाकीँ सबै १२ खेल जित्नुपर्ने हुन्छ । र, नामिबिया र यूएईको नतिजामा भर पर्नुहुन्छ । शीर्ष पाँचमा पर्दै एकदिवसीय मान्यता कायम राख्न कम्तिमा पनि ९ खेल जित्नुपर्ने हुन्छ ।
नेपालले विदेशमा खेलेका २० मध्ये ६ खेलमा मात्रै जितेको छ । नेपालले घरेलु भुमिमा भने ४ खेल खेल्दा २ मा जित हात पारेको थियो । विदेशमा ३० प्रतिशत जित हात पारेको नेपालले घरेलु मैदानमा भने ५० प्रतिशत जित हात पारेको छ ।
नेपालले लिग टू का लागि गत डिसेम्बरमा नामिबिया भ्रमण गरेको थियो । सो क्रममा चार मध्ये तीन खेल नेपालले हारेको थियो । एक खेल वर्षाको कारण नतिजा विहीन थियो । नेपाल भने २४ खेलमा ८ मा जित र १४ मा हारसहित अंक तालिकाको छैटौं स्थानमा छ ।
स्कटल्यान्ड नेपालमा पहिलो पटक खेल्दैछ । नामिबिया ७ वर्षपछि नेपालमा खेल्दैछ ।
यस अघि नामिबियाले २०१६ मा आईसीसी विश्व क्रिकेट लिग च्याम्पियनसिप खेलेको थियो । त्यस भ्रमणका क्रममा उसले दुवै खेलमा पराजय ब्यहोरेको थियो । सात वर्षमा नामिबियाले पुनः टियु मैदानमा खेल्दैछ । सात बर्षमा पिचमा धेरै परिवर्तन आएको छ । उता,स्कटल्याण्ड भने पहिलो पटक नेपालमा खेल्दै छ ।
नेपाली वातावरणमा खेल्न यी दुई टोलीलाई त्यती सहज हुनेछैन । एकदिवसीय मान्यता बचाउन प्रयासरत नेपालले घरेलु मैदानको फाइदा उठाउनु पर्नेछ । कप्तान रोहित पौडेलले घरेलु मैदानमा खेल्दा फाइदा नै हुने बताएका छन् ।
'घरेलु मैदानको एडभान्टेज हामीलाई हुन्छ नै हामीलाई मैदानको बारेमा सबै थाहा छ । मैदानको डाईमेन्सन देखि सबै कुरा थाहा छ । आफुमा एप्लाई गर्ने हो कसरी खेल्ने भनेर ,' रोहितले भने
स्कटल्याण्ड र नामिबियाविरुद्ध लिग टू मा नेपाल
स्कटल्यान्डसँग नेपालले लिग टूमा खेलेको चार मध्ये तीन खेलमा हार तथा एक खेलमा जित हात पारेको छ । जुलाईमा घरेलु मैदानमा स्कटल्याण्ड पहिलो खेलमा नेपालसँग पाँच विकेटले स्तब्ध भएको थियो ।
नेपालले लिग टू मा नामिबियालाई पराजित गर्न सकेको छैन । नामिबियासँग खेलेको चार मध्ये तीन खेलमा नामिबिया विजयी हुँदा एक खेल वर्षाको कारण नतिजा विहीन बनेको थियो ।
नामिबियासँग गत जुलाईमा स्कटल्याण्डमा नेपालले पहिलो खेलमा ४० तथा दोस्रो खेलमा ६३ रनले हार व्यहोरेको थियो । गत डिसेम्बरमा नामिबियामा भएको पहिलो खेल वर्षाले रद्द हुँदा दोस्रो खेलमा नेपाल ८६ रनले पराजित भएको थियो ।
नामिबियासँग भएका लिग टू का खेल नेपाल लक्ष्य पछ्याउँदा पराजित भएको थियो । स्कटल्याण्डसँग भने पहिला ब्याटिङ गरेका तीनै खेलमा नेपाल पराजित हुन पुगेको थियो ।
-1753270648.jpeg)
